Kawi ka manbei hadien wa da wan kha khon ha MCH Hospital, Panaliar, Jowai haka 16 tarik uni u bnai, manda poi yung da wan i chitom haka heiwa tang u thiah u chong leh da jynjar ko najrong wa em leh i sma nei thaw kha khonboo iwa da pynlyngngoh yaka kamjooh yaka yung ka sem wot hawa deiwa suk kha ko yei khonboo.
Kamtæ da pyrkhat ki u lai mih biang cha Hospital tangwa ym ye de ko u lai neidaw wa ka thaw wa chong wa sah ko toh ha kawi naki dong ka chnong Jowai ka wym pu em lait kari wei jngai leh na u sarok kari.
Katwa dang thooh laad ki yow pynpoi biang yaka cha Hospital, embhah wa ha ka 23 tarik ka bei yong kani kawa dang dep kha khon hadien wa dep pynsum ko ka tæ biah dawai ko yei kha, te yoo wot ko kam ki kynja kse hei bynta kha khon khon kamtæ da taan ko suki suki wei chem ko toh ka kynja that wa jooh pynemkam ha Hospital.
Wei mar ya dep sai ya kani ka that heitæ wot i por kani ka manbei wa chitom leh sñiaw stiñ wot ko wei da suk ko u chong u lai u baam lai dih.
Kani ka manbei da lai thiah ko cha MCH Hospital haka 11 tarik uni bnai, wei da kha ko yei khonboo hei step ka 15 tarik heipor 9:30 haroh wei da yoh mih liwan won ko haka 16 tarik.
Kamtæ heiyatoh weini i maad i chem, kyntu ko leh yaki Nurse ki Doctor wa kiwi wa embynta u pait yei chait i khiah ki paidbah wa kjut chitom wow sñiawbha ki u syndong wei pait bniah neibhah ini wa jia haka leh ngait skhem ko wym toh iwa leh chynnam ki tangwa dei bakla.
Wei waroh hi ki paidbah hawa lai ki chei thaw sumaar yooluti ki manda mih u yoh yei chait i khiah wym wow yoh kjut kylla, wei ini wa jia haka leh ong ko dang embhah wa dei yah pynyoo luti u Blai tæ smat chem meitæ ym tip de yi wow jia.
Discussion about this post