Shillong: U wa e ktien ka BJP uwa pait leh ya ka jylla Meghalaya, u Nalin Kohli ynne ka sngi da haap phah li thooh ya oo da ka thuk-thuk hadien wa sah kut ki kari hadooh 3 kynta ha Mawlai Mawiongrim, hajan ka Umiam View Point chwa wow wan u cha ka yalang ka BJP ha Shillong.
U Kohli da thmu u wow poi ha Shillong heipor 12:00 waje pyrdi sngi wow embynta lang ha ka yalang ka Central Executive Committee (CEC) ka BJP Meghalaya, tangwa da ye u poi hadooh 2:30 ha Shillong i tæ leh toh hadien wa haap li thooh ya oo da ka thuk-thuk.
Hawa yaklam u wa kiwa pathai khubor hadien wa poi u ha Shillong da ong wa man ko kawa sñiawphylla wa du na Umiam hadooh ha Shillong chimpor hadooh 3-4 kynta u lai.
Da kynthah joor u leh ya ka sorkar Congress wa yahkhmat da u Dr. Mukul Sangma wei da pynbaad u leh wa u Montri Rangbah ka Meghalaya sñiawngooh u du wow chong chuki tangwa ym sñiawthooh u yei chitom ki piadbah.
Da ong leh wa da man ko ka sien wa nyngkong hadien wa boon boon snem nadooh ki por College yong oo wa yoh chong thuk-thuk biang u ynne ka sngi yow wan cha Shillong wei da e khublei u leh ya u Dr. Mukul neibynta ini.
Discussion about this post