Ka Akhil Bharatiya Vidyarthi Parishad (ABVP) Jowai Unit ha kani ka kynti da pynman ko ya ka ‘U Kiang Nangbah Best Student Award, 2024’ ha District Library Auditorium, Jowai. Heiwa da pynkup burom ya ki khynnah wa leh bha ha ka SSLC wa HSSLC ha kylleiñ ka Jowai.
Ha kani ka sngi u Pramod Boro, u Chief Executive Member ka Bodoland Territorial Council da man u kam u kongsan heiwa da kyntu joor u ya ki khynnah wow man kiwa minot neibhah i stat i tip pynwandur i ya ka mynried yong ki.
U Lakhon Biam, MDC ka JHADC kam u symbood kongsan da pynchlur u ya ki khynnah wow man kiwa kreh na mynsien ha i puræ puthi yong ki ym du katni tangwa wot ha ka mynried leh.
Kam uwa chah khut sñiawbha, u Puramon Kynjing, Dolloi ka Elaka Jowai da khana u ya ka parom U Woh Kiang Nangbah deiwa ong wa toh u bood ki ya ki dak kjat yong oo wow man kiwa chlur wa kiwa kreh chitom.
U Dr. Sashankutlang Khongthohrem, State President ka ABVP da khana u ya i kaamram ka ABVP wow pynjanai ya i puræ puthi ym du ha ka ri tangwa ha ka jylla leh waroh kawi.
Ha kani ka sngi da pynkup burom ya ki 160 ngut ki khynnah wei da em kamwa 700 ngut kiwa wan sakhi ya ka na ki skur waphær waphær ka Jowai.
Da pynphooh leh ya kani ka sngi da ki chaad wa ki rwai.
Discussion about this post