Ka Ministry of Railways da pynbna ko wa daw wanrah ya ka jiat rel wa tip kam ka Vande Bharat Express cha Meghalaya kawa daw poi ha Mendipathar, North Garo Hills kawa man leh du kani ka Railway Station wa em hapoh ka jylla.
Kini ki jait rel wa dang thymme toh kiwa da chna rap kyrpang yow yahaap ki wa juk wa katni wei kiwa da chna pyn hapoh India hi wei da yooluti wow poi ko ha Meghalaya ha u Wisu (Mar), 2024.
Ka sorkar da thmu ko wow wanrah ya kini ki rel ha Tripura wa ha Jammu & Kashmir hadien wa sdang nyngkong ya ki ha u Naichiphaw, 2022 kawa lai na Amb Andaura, Una cha New Delhi.
Na ki jylla ka North East, kawa nyngkong dooh wa yoh ya kani ka Vande Bharat Express toh ka Assam, kawa lai na New Jalpaiguri cha Guwahati kawa da wai ha u ka 25 tarik u Naisan uni u snem.
Hapoh ka ri hadooh kattæ da em 34 tylli kam kini ki rel wei ka sorkar da pynlut ko Rs. 1343.47 klur yow chna ya kini iwa man leh kam chibynta ka Make In India.
Kini ki rel toh kiwa ye u lai hadooh 160 Km/h i smat, kiwa emlang ka thaw chet, ki Air Conditioning, ki thaw Charge Mobile, ki CCTV, ki thaw chong wa miat wa kiwi kiwi de yow pynsuk ya ki paidbah.
Discussion about this post