Ki pulit ynne i miet heipor kamwa 7:00 waje da yoh ki wow kem ya uwi u bru wa tynyap pyn yaka kurim u ha chnong Tiehsaw, Nongstoiñ wa em ha West Khasi Hills District.
Ini i chah tynyap toh iwa da jia ynne heiwa uni u bru wa tip kam u Biangkupar Nongsiej uwa na ka chnong Lawse, West Khasi Hills da tynyap u yaka kurim deiwa thlieh da ka wait neibynta i khlieh kawa tip kam ka Wansaralin Wanñiang (25 snem) kawa chong wa sah ha Tiehsaw haka kyntoit Khlieh Shnong.
Kini ki ar ngut toh kiwa da yalait kam chi kurim la 6 bnai hadien wa bia ki haka 28-12-22 heiwa yei metyap kawa khlaad da chem pyn ha lait i yung wa sah ko iwa da kai snaam chiboon.
Neiliang ki pulit hadien wa kem ki ya u Biangkupar da chem ki leh yaka wait wa pynemkaam u yow leh ya ini i kaam kawa da ieh u pyn ha ini i thaw wa jia wei ka Wansarlin man ko leh kawa dang pun khon.
Ya u Biangkupar da yoh wow kem deiwa yarap kiwa chong chnong wa kiwa ha-yung kawa khlaad wei da kit ya oo cha Nongstoiñ Police Station.
Discussion about this post