Ha ka 19 tarik uni u bnai, u President ka KSU Ranikor Circle, u Marconi Thongni da chah pynmynsoo u deiwa chah dung ha ar ngut ki bru ha ka chnong Photkroh kawa em hapoh ka Ranikor Civil Sub-Division.
Ini da jia i heipor kamwa 12:00 waje pyrdi sngi katwa da em i krehlang yong chnong. Tangwa da embhah wa ha ini i chah thombor u Marconi da mynsoo u malu mala.
Neiliang u Marconi da ujor u da ka FIR heiyatoh wa ini wa jia deiwa pynmih pyrtuid u Biangsingson Syiemlieh wa u Spect Syiemlieh kiwa na ka chnong Domdinar Panchering.
Ha ka FIR da ong wa kini ki ar ngut da emkti ki wow pynkulmar chnong deiwa rah leh ya ki tiar pynmynsoo kam ka tari, heiwa da thmu leh wow chim yei mynsien u Marconi deiwa dung ya oo na rupai heiwa da chah pynmynsoo leh wa u Kitborlang Lyngkhoi.
Hajrong ini i ujor, da Register ya ka Case ha Ranikor Police Station.
Discussion about this post