Ka Deputy Commissioner ka East Khasi Hills District, ka R.M. Kurbah, ynne da kaweh lama ko ya ki kari Electronic Voting Machine (EVM) Demonstration Van kam chibynta wow pynkhreh yaka Lok Sabha General Election 2024.
Ka DC hawa e yei klam da ban joor ko yei emkaam u mih ki paidbah wa thap Vote wow chimbynta haka Election MP 2024 deiwa kyntu leh ya ki palat 6 lak ngut ki bru wa da em pyrtuid u thap Vote wow pynemkaam yei hok yong ki hadien wa ha kani ka Election MLA wa dep da mih palat 80% kiwa thap Vote, kamtæ da ong ko wa toh u mih biang chakhmat wow chimbynta ha kani Election Lok Sabha.
I thong kini ki Demonstration Van toh yow pynsñiawthooh paidbah khamtam ya kitu kiwa dang thap Vote thymme kammon wow pynemkaam ya ki kor EVM wei wow pynyoo leh wa kini ki kor toh kiwa biang wei kiwa ye u chaniah ki paidbah ki wym ye wow booid kti ki wei da dep leh wow Test bha ki deiwa emlang leh kiwi ki Political Party.
Kini ki kor EVM wa em ha kini ka Demonstration Van toh yow pynyoo paidbah donhi wei ym pynemkaam da kini heipor wa pynman Election wei kitu kiwa kwah wow tip u pynemkaam ki toh u wan ki chakhmat yow lait ki na iwon iwon i artatien manda toh i por thap Vote.
Ka DC da pyntip ko wa ini toh kam chibynta ka Phase 1 ha East Khasi Hills wei daw leh yeini i jooh cha kiwi ki thaw wei man i leh kyrpang ya kitu kiwa dang dep dap 18 snem yow yoh laad ki wow man kiwa sñiaw skem wow lai thap Vote.
Discussion about this post