15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da kem 8 ngut ki damok wa emkti u thombor ya ki dkhot ka KSU

0 Comments

Shillong: U montri ka chnat kaam pohyung ka jylla, u Lahkmen Rymbui da pyntip u wa ka sorkar da thung ko da ka Magisterial Enquiry ka wow khlieh da ka ADM, ka Monalisa Lakiang. Da pyntip u leh wa katkam ka ujor FIR da kem hadooh 8 ngut ki damok wa emkti wow hiar thma ya ki dkhot seiñbhalang ynnin ka sngi ha Ichamatiba wa kynthup ya uwa da tipmit da u heh pulit, wei ka takit ya kini ki bru da lai ko chakhmat.

U Rymbui da ong u wa ka takit lada dang chem ya i emkti yong kiwi leh, ka aiñ daw leh ko ya iwa emkaam, deiwa pynrap wa katkam wa ujor ya ki bru wa emkti da yoh wow kem lut kawa pynyoo wa ka sorkar ym em chong klikti ko, tangwa yang ko ya iyi wa toh u leh ha i por neibynta wow wanrah ya ka chongsuk chongchngaiñ ha kani ka jylla.

Hawa kylli yei long i man ha Shillong, u montri da pyntip u wa da em ka kynad ha nongbah Shillong, tangwa ym pu ye u pyntikna wa lada em i yatoh næ ym em wa ka kynad kawa da mih ynnin ka sngi ha Ichamati. Da ong chooh chooh wa ka sorkar ym kwah ko wow chim stiñ ya iwon iwon i jia wei da pynkrehkaam smat biang ya ka Curfew ha ki thaw wa haap ha Lumdiengjri Police Station wa Sadar Police Station.

U Lahkmen da kyntait u wa tlot i krehkaam yong ka chnat kaam pohyung deiwa ong wa ini i jia da wan ki khlem poi pyrkhat, tangwa ka sorkar ym chim stiñ ko ya kam kini ki jia.

Kiwa chah kem man ki kamni ha wah:

  1. U Sushan Das (46 snem)
  2. U Ranjit Baidya (62 snem)
  3. U Bijit Baidya (30 snem)
  4. Kanal Baidya (51 snem)
  5. Sajol Das (38 snem)
  6. Joy Sharma (41 snem)
  7. Indromohan Sharma (34 snem)
  8. Rajesh Sharma (25 snem)
Previous
Next

0 Comments

Leave a Reply