November 23, 2018

Da kem sa uwi wa suba emkti wow pynmynsoo ya ka Agnes wa ka lok ko

Advertisement ad1

Jowai: Ki pulit da pyntip ki wa ynne i step da yoh kem ki ya uwi u bru uwa na chnong Shangpung uwa suba emkti wow pynmynsoo ya ka Agnes Kharshiing waka Amita Sangma ha ka 8 tarik uni u bnai.

Ya uni u bru wa yoh kem ynne ka sngi da tip kam u Showmewell B Kyndait (38 snem) wei da yoh kem ya oo na Lokproya Gopinath Bordoloi International Airport Guwahati hadien wa yut u na ki kti ki pulit.

Ki pulit hadien wa takit ki ya uni u bru da kem noh ki ya oo neidaw wa suba emkti u ya iwa jia ha ka 8 tarik.

Ka takit dang lai ko cha khmat.