Da kem ya ka bru wa pynmynsoo ya u kurim ha Ri-Bhoi

Kawi ka bru da chah kem ko ha ki paidbah ka 9 Mer, Baridua ka Ri-Bhoi ynne hadien wa pynmynsoo ko ya u kurim ko da i tiar wa nep ynnin i miet wei ya kani ka bru da tip kam ka Poonam Bosper wei da kem ya ka katwa dang lai ko na NH-27.

Ya ka Poonam da kit chwa cha dorbar chnong wow takit ya ka chwa wow e kti cha ki pulit ka Khanapara wow leh yeiwa emkaam.

Kam wow pynkynmoo wa ka Poonam da pynmynsoo ko ya u Sikander Lyngdoh na khlieh.

U khon yong ki da khana u wa da wan u Sikander hei miet chirup wa i doh yow chet wei heitæ da mih i yañia neitæ da poi won ki chei yachoh. 

Da khana u wa ka Poonam dang chet Maggi ko heipor wa chim ko ya i tiar wa nep wow dat le soo sien ya u Sikander na khlieh.

Hadien da Phone ko cha ka payu ko wow khana wa dat ko ya u Sikander neitæ wow phah pait kammon man u. 

U waheh chnong, u Ioanis Narleng da sñiawkhia u yeini neibhah wym jooh em u jia kamni hapoh ka chnong deiwa kyntu ya ki pulit wow leh yeiwa emkaam katkam ka aiñ.

Related posts

Waroh iwa kular ka VPP ym em mankaam nadooh i e Trading License | Chah ktah kylla ki Khasi Jaiñtia: Vincent

November 10, 2026

Paan maap uwa na chnong Tongseng yeiwa pynbaad ya u Bunlangki Sukhlain hadien i wan ka KSU cha Shree Cement

November 10, 2026

Neiliang ki pulit dang pynman ki yei takit hajrong ini.

Puræ leh: Da u sdai thlieh ka kurim ya u kurim ha Ri-Bhoi