Uwi u bru uwa 32 snem i rta da kheiñ ki kjat u waroh ar tylli nei chna Reel deiwa kynthiar u kamwa 30 ft chapoh ka Pahuj Dam kawa em ha Uttar Pradesh.
Uni u bru toh uwa na Jhansi uwa tip pyrtuid kam u Pushpendra Kumar Manouria, wei hei janmiet ka 6 tarik uni u bnai da lai u cha kani ka Pahuj Dam deilang wa ki lok u heiwa da riñ Video ki na chiliang yeini wa mut u wow leh heiwa nyngkong da ku ya ka Railing wei deiwa kylla skit da kynthiar u chapoh um.
Tangwa da haap u ha i bynta wa tbian ka um wei iwa em moo hadooh wa kheiñ ki kjat u waroh ar tylli.
Ha i Video wa da poor bha kattæ da yoo wa hadien wa haap hapoh um, uni u bru da chem chitom u wow yimpa deiwa pynkhih yei kjat.
Kamtæ da hap thooh bru yow yarap sai soo wei hadien da wan leh ki pulit heiwa da kit ya oo cha Hospital.
Katkam wa pyntip kiwa em ha ini i thaw, kani ka um yillu ko du kamwa 3 phut tam donhi ha i bynta wa haap u Pushpendra.
Da pyntip leh wa kawi ka kjat u da hap wow thap naar hapoh wei kawi won da hap pooid ka.
Discussion about this post