Ki bor pynlai ka skur Panaliar Secondary School, Jowai ha kani ka 27 tarik da phah khang chwa ki chipor ya ka skur hadien wa em wa yoh COVID-19 ha kani ka skur.
Neiliang u Waheh Chnong ka Panaliar, u Riquoma RQ Laloo da ong u wa ya ka skur da phah khang chwa chipor kat hadooh wa dep pynkhooid wei siat dawai ya ka wei hadien wa yoh ya ka bui (Report) yong kiwa yajan (High Risk Contact) wa kiwa chah ktah ha uni u khñiang.
U Deputy Commissioner ka West Jaiñtia Hills, u Garod LSN Dykes hawa yaklam wa oo hajrong ini i kaam da kyntu u ya ki bor pynlai ya ki skur wow bood ki thij katkam ki kyndon wa da booh ka chnat i chat i khiah wa ka chnat puræ puthi wow yada nei poor uni u khñiang kjut.
Heijooh i por da kyntu u ya ki manyung wow bood ki ya ki kyndon wow yada nei chah ktah wei poor uni u khñiang kamjooh leh wow esikai ya ki khon ki kti yong ki wow bood ki ya ki kyndon wa da booh khnang wow ye u yada ya waroh lang.