Ka Khasi Student’s Union Jaiñtia Hills District (KSU-JHD) lyngba u Justice Paul Lyngdoh, Education Secretary ka KSU-JHD, da phah ko ya ka khubor pyn-eh bok pyn-eh nasib yaka Niaw Wasa United Sports & Cultural Club kawa da mih wow lai yakhun haka Hero Futsal Championship ka wow sdang haka 5 tarik u Khonchonglad (Nov).
Kamwa ka Niaw Wasa Sport Club da mihkhmat ko yaka Jylla Meghalaya haka Hero Futsal Championship wa pynman da ka All India Football Federation India ha nongbah New Delhi, kamtæ neiliang ka seiñ dap ko dei mynsien sñiaw sarong wa kani ka Club da ye ko u kreh chitom yow poi hadooh kani ka kyrdan u mihkhmat ya ka jylla.
Neitæ najrong wa pyn-eh bok ko ya kani ka Club u nangku ko chaphrang, ka seiñ KSU kyntu haroh ko yaki para ri wow sñiawbha ki u e yarap cha ka Club kam chi bynta i e mynsien yow nang ye ko u lai luti heiyatoh u pynbiang yei emkaam kiwa yalehke.
Puræ leh: Paan yarap ka Niaw Wasa FC na ki paidbah heipor wa mih wow lai yakhun cha New Delhi