U Commissioner of Food Safety ka sorkar Meghalaya, u Dr. Joram Beda, ha ka hukum wa da pynmih ynne ka sngi da ong u wa da yoh boon ki ujor heiyatoh wa i jait dih wa tip kam i “Sting” Energy Drink heiwa kiwa ujor da ong ki leh wym em tip tikna iyi em hapoh ini wa dih hadooh ki khynnah skur.
Wei ki Report wa dang yoh da ong ki wym tip leh hadooh katwon em Caffeine wei ym em leh booh kiwon kiwon ki maham ha ini i Sting.
Kamtæ da emkaam wow pynsangeh chwa yei dai ya ini i Sting hapoh Meghalaya kat wym pu dep u leh ya ka Test ha ki Laboratory.
Katkam ki kyndon ka Food Safety & Standards Act, 2006 da pynmih ya ka hukum wow khang yei booh, u dai da ki Wholesaler kamjooh kiwa dai dukan hadooh wow dai ki Online chisiendon lada toh ki Stock thymme kamjooh kiwa rim ini i Sting.
Lada chem wa em kiwa pynkhih ya ki Stock, kiwa dai, kiwa noh ya ini i Sting daw chah pynchitom ki katkam ki kyndon 55 wa 57 ka Food Safety & Standards Act, 2006 deilang ki Rules & Rgulations, 2011.
Kani ka hukum u krehkaam ko chisiendon hadooh wa pynmih hukum da kamwi hadien wa yoh ya ki Laboratory Analysis Reports.
Puræ leh: Dawa ka seiñ na Garo Hills wow khang yei dai yei “Sting” hadien wa em u khynnah skur wa yap
Discussion about this post