Ynne kam chibynta i lehkmen yei yoh laitlooid ka ri India wa tip leh kam ka 80th Independence Day ha uni u snem, neiliang ka Akhil Bharatiya Vidyarthi Parishad (ABVP) Khliehriat Town Unit da pynman ko ya ka Tiranga Rally deiwa lai kjat chirup i rahlang ya ka lama le rong ka ri wa jrong 100m.
Yeini da pynman heipor 9:30 i step deiwa sdang nadooh na Lad-Sutnga wei da lai luti ter ter deiwa pynkut hajan DC Office Khliehriat.
Yow leh yeini waroh da wan wow chimbynta da palat 200 ngut ki khynnah skur, ki khynroo khyllood deilang wa kiwa sikai na ki skur wa ki dkhot yong ka ABVP.
Ha kani ka lehkmen da emlang ki dkhot yong ka seiñ ABVP Jaiñtia chirup wa u Wadari O Chyrmang wa man kam u National Executive Council Member wa u State Joint-Secretary yong ka ABVP, ka Daemika Bareh kawa man kam ka State Social Media Convenor yong ka ABVP Meghalaya, u Sylvester Bareh uwa man leh kam u State Executive Council Member yong ka ABVP Meghalaya wa kiwi tawon ki dkhot yong ka seiñ.
Discussion about this post