U District Magistrate ka West Jaiñtia Hills ynne i miet da pynbna u ya ka Curfew ha chnong Sahsniang hadien wa mih i awri awra mar ya pynbna ya kiwa jop wa rem ka Election MLA 2023 heiwa kani ka chnong toh kawa dang haap hapoh ka Mowkaiaw Constituency.
Ka khubor wa da yoh da ong em ki bru wa uiñ cha wah chaneiñ dei muaid kiwa da maham wow thang yung wei da em leh won ki sabut ya iwi i yung iwa da chah dat da ki dieñ wa iwa chah kawang moo.
Ini i yung da chah tympiah ki yit ka yung naphrang da ki dieñ kiwa da ieh leh da ki damok wa pynemkaam ha ini i thaw wei da em leh u moo uwa da psiah chapoh yung.
Heiyatoh wa ini wa jia ym pu tip wa lada em kiwa mynsoo.
