Jowai: U District Magistrate, West Jaiñtia Hills District, Jowai da pynmih hukum u hapoh ka Section 144 Cr.PC wa da khang wow lai luti ki kari wa heh wa khia (Heavy Vehicles) lyngba ka yingkieñ wa da sih wa em ha u sarok Laskein-Barato Road.
Da khang wow lai ki kari wa heh wa khia ha kani ka yingkieñ neidaw wa kani ka yingkieñ ye ko wow kheiñ ha iwon iwon i por iwa daw wanrah yei ktah yaki paidbah wa daw hap khang ya uni u sarok neidaw wa uni u sarok man u uwa emkaam wa pynyabi yaka Barato waka Laskein Block wa kiwi de ki chnong.
Ya kani ka hukum da pynmih hadien wa yoh boon ki ujor wa u Executive Engineer, PWD (Roads) North Division Jowai wa ki kari wa heh wa khia dang lai lyngba ki na kani ka yingkieñ iwa da pynsih pynjæd ya kani ka yingkieñ wa em ha uni u sarok Laskein-Barato hanla da dep wow booh yaki Signboard wa khang pyrchah ya ini wei da pynmih khubor leh ya ini.
Kani ka hukum krehkaam ko chisyndon hadooh wa pynmih hukum da kamwi.
