Da khut sñiawbha ya ki paidbah cha ki soo tylli ki Behdieñkhlam wow man ha uni u bnai

Ynne ka sngi ka Behdieñkhlam Joint Committee wa kynthup ya ka Raij Kongwasan Chyrmang, Ialong, Tuber, Muthong, Sohkymphor wa Mukhla hapoh i yahkhmat u Prangki Pale uwa man u Convenor ka Committee da khut sñiawbha ki ya phi ki paidbah cha ki Behdieñkhlam ki Raij kiwa daw pynman ha uni u bnai.

Kini ki Behdieñkhlam toh ka yong ka Raij Ialong ha ka 7 tarik, ka Raij Muthlong ha ka 8 tarik, ka Raij Sohkymphor ha ka 16 tarik wa ka Raij Mukhla ha ka 31 tarik uni u bnai (August).

U Phrangki hawa yaklam wa kiwa pathai khubor da ong u wa ha ka Behdieñkhlam ka Raij Mukhla, ka Committee da khut sñiawbha ko ya u Montri Khynnah ka Development of North Eastern Region, u Dr. Sukanta Majumdar wow man kam u kongsan.

Da ong u wa kani man ko ka sien wa nyngkong wa u Montri Khynnah u wan u kam u kongsan ha ka Behdieñkhlam ha palatsor wei da em ar sien wa wan ki Montri ka sorkar pyrdi ha ka Behdieñkhlam wei itæ toh yong ka Raij Jowai.

Chooh chooh da ong u wa dei wan uni u Montri daw yoo u ya ka ri ha ka Behdieñkhlam khamtam ki paidbah ka West Bengal neibhah uni u Montri toh uwa na katai ka jylla.

Related posts

Ya kawang tusok kiwa pyrchah Ropeway wa ki pulit hakhmat Secretariat | Chah kit noh ha ki Bus tangwa ym bien hiar

November 12, 2026

Pynkha chnat ka Hima Sutnga Youth Federation ha chnong Tangnub

November 12, 2026

Da ong u leh wa ha u snem wow wan daw booh ya ka Calendar wow em ki tarik ki lehniam waphær waphær yong ka Ri-loom Jaiñtia deiwa kyntu ya ka sorkar wow pynku ya ka Behdieñkhlam cha kiwa wan uiñke cha Meghalaya. 

U Phrangki da kyntu u leh ya ki bor District wa ki pulit wow krehlang wa ki Seiñraij hawa pynman ya ka Behdieñkhlam khnang wow man ki kawa phooh. 

Neiliang u Firstly Sari uwa man u Maji ka Raij Mukhla da khut u ya waroh ki paidbah wow wan sakhi ya ka Behdieñkhlam ka Raij Mukhla.