Yoh yarap ki 6 tylli ki Seiñraij Rs.1.93 klur na ka DoNER

Ynne ka sngi u Convenor ka Behdieñkhlam Joint Committee, u Phrangki Pale da pyntip u wa ki 6 tylli ki Seiñraij wa kynthup ya ka Kongwasan Chyrmang, Tuber, Ialong, Muthlong, Sohkymphor wa Mukhla da yoh yarap ki hadooh Rs.1.93 klur na ka Development of North Eastern Region (DoNER) ka sorkar pyrdi.

Ya kani ka poisa da pynkreh heiwa san tylli ki Raij da chna ki ya ki VIP Gallery, ka Muthlong da chna ko ya ka Cultural Hall, ha Ialong da u sarok khyndawbilat wa jrong 100m wei ha Chyrmang da kynroh ko ya i chram wow yada ya ka Cultural Hall yong ki.

Chooh chooh da kyrpaad ki ya u Montri Khynnah ka DoNER, u Dr. Sukanta Majumdar wow wai paidbah ya kini ki kreh ha ka Behdieñkhlam ka Raij Mukhla kawa daw man ha ka 31 tarik uni u bnai.

Kam wow kdaw heini, u Dr. Sukanta daw wan sakhi u ya kani ka Behdieñkhlam kam u kongsan.

Related posts

Ki Biate wa ki Hadem wa e jait pa ym yoh ki i jooh i tipmit kam kiwa e jait bei: CEM JHADC

June 29, 2026

U chynrang wa dat ya ka kynthai toh u wym em de yachong wa ka

June 29, 2026