U National President ka National People’s Party (NPP), u Conrad K Sangma da khana u wa u Lat da khut u ya ka NPP wa ki paralok wow chna sorkar, heiwa da ong u leh wa ka NPP kattu daw khut noh ko ya ki paralok MLA wow ya krehlang ha ka sorkar wa thymme yow pynyoh yei ya soi pyrtuid yow rah hakhmat u Lat ka jylla.
Ha Meghalaya kawa em 60 ngut ki MLA, ka seiñ kawa kwah wow chna sorkar ka emkaam ko wow em ym duna ya 31 ngut ki MLA. Wei kamwa man kattæ da em 59 ngut ki MLA nei hap pynsangeh chwa ya ka Election ha Sohïong.
Hawa kylli, u Conrad da kyntait u wow khana hadooh katwon ngut ki MLA wow chna ya ka sorkar, tangwa da ong u wa daw lum noh ya waroh ki MLA wow yakrehlang wow lai kam yei chna sorkar hakhmat u Lat.
U Conrad ynne da e u leh ya ka chithi wow ieh noh yei man kam u Montri Rangbah ha u Lat yow chna sorkar thymme.
