Ka West Jaiñtia Boxing Association (WJBA) chirup wa ka Meghalaya Boxing Association (MBA) da pynkhreh ki ya ka District Level Boxing Selection wow jied ya kiwa yakura wow mihkhmat ha ka 39th National Games ka wow man ha ka jylla ha u 2027
Ini i jied daw man i ha ka 24-07-25 neibynta ka West Jaiñtia Hills heipor 9:00 waje i step ha Bishop House, Lumbihsyntu Mihmyntdu.
Neibynta ka East Jaiñtia Hills u man ko heipor 3:00 waje i janmiet ka 24 tarik hi ha East Jaiñtia District Sport Association Indoor Sport Hall, Dkhiah East Khliehriat.
Ka West Jaiñtia Boxing Association chirup wa ka MBA da khut ko ya kiwa yakura namo ki Boxer na waroh ar District kiwa em i sap yalehke yakura wow wan cha kani ka Selection.
Kiwa chimbynta u man ki katkam ki kyrdan waphær waphær i khia (Weight Category) ki chynrang 47-50kg, 50-55kg, 55-60kg, 60-65kg, 65-70kg, 70-80 kg, 80-85kg, 85-90kg, 95 kg katwa ki kynthai won 45-48kg, 48-51kg, 51-54kg, 54-57kg, 57-60kg, 60-65kg, 65-70kg, 70-75kg, 75-80kg wa 80kg.
I rta kiwa chimbynta toh nadooh 17 snem hadooh 40 snem neibynta ki chynrang wa kynthai.
Ki kot ki sla wa emkaam u wanrah toh ka Original Birth Certificate wa u Aadhaar Card wa ki tiar yalehke (Boxing Kit) kiwa jooh pynemkaam ha ka yalehke yakura.
Yow tip bniah ye u Phone ha u Number- 9612691732.
Kani toh ka Wyrta na u W. Ksoo, President West Jaiñtia Boxing Association.
Discussion about this post