Ka seiñ Pnar Students’ Movement (PSM) ha ryngkat i emlang kiwa ri syiar da ksoh ki ya ki Truck wa Pick-Up wa em kamwa 6 tylli kiwa kit wei wan chalan ya ki syiar na Assam chapoh ka West wa East Jaiñtia Hills District hadien wa da tip tikna yei wan kini ki kari heiwa da ksoh ki ha Phramer ynnin ka sngi.
Hei takti ya kini kiwa wanrah ya kini ki syiar da chem wym em ki ya ki Challan næ ki Medical Report yong kini ki syiar lada toh kiwa chait wa khiah wei da kit ki leh du ki syiar lung kiwa em kamwa 1.5 kg hadooh 2.5 kg kiwa heh dooh wei hawa pait da kiwa ri syiar da ong ki kam kini ki syiar kiwa boon toh ki wym pu em yoh tika namo ka Vaccine.
Neiliang ka seiñ da sniawkhia bha ko yeini wa da wanrah da ki syiar ki wym pu em e dawai wei neiliang kiwa ri syiar da ong ki wa ini i wan kini ki syiar wa na baar da pynyap wei pyntlot ko ya ki wow toor chakhmat ha ka kaam ri syiar neibhah boon na kiwa ri syiar sah ki syiar yong ki kiwa da em 4-5 kg chaneiñ wei da ktah ko hei wow e baam ya kini.
Hadien wa da pynuiñ ya kini ki kari, da em ki bru wa wan wow kamtre ya kini ki syiar wei ha kani ka yaklam wa ki da chem ka seiñ wa man ki kam kiwa chah pyrtuid donhi ymtoh ki trei yong kini ki syiar, kamtæ neiliang ka seiñ da e buit ko ya kiwa ri syiar wow boodlang ya kini ki kari hadooh wa poi ha Saphai ha u pood wa ka Assam.
Ka seiñ da kyntu joor ko ya kini ki wanrah syiar namo ki Supplier wow chim chwa ki da ki syiar kiwa em chwa hapoh ka thaaiñ yong i khnang wow pynyoh mynsien ya kiwa ri syiar hapoh ka ri-loom Jaiñtia waroh kawi.
Discussion about this post