Ka seiñ kiwa kreh Contract kawa tip kam ka All Jaiñtia Contractor & Supplier Association (AJC&SA) daw pynman ko ya ka General Meeting kawa chisien chi snem ha kani ka 08-08-26 ha Yung Krehkaam ka Seiñ Kur Phawa, Siangshai, Papiah, Lyngdoh Phawa kawa em hajan ka Toll Gate Ialong heipor 11:00 waje i step.
Ha kani ka yalang daw yaklam heiyatoh wa i eh i khor wa chem ki Contractor ha ki liang waphær waphær, khamtam heiyatoh wa ka Bill yong ka Scheme JJM kawa sahteiñ da ki spah klur da ki snem kattu.
Katwa kamtæ kamwa dadep yachem wa u Chief Minister kamjooh u Minister ka chnat PHE, neiliang ka seiñ da kyrpaad ko ya waroh ki Contractor wow rahlang ki ya ka Xerox Copy ki Work Order ka JJM kiwa dang sah Bill wow yoh yukheiñ kamjooh yow pynkhreh wow yaleh deiwa khor ya ka Bill kawa toh hok u yoh ki Contractor.
Chooh chooh ha kani ka yalang daw yaklam wei daw pynche leh yei eh wa chem heiyatoh wa ka GST Clearance khnang wow lait ki Contractor u jynjar heipor wa thap kreh ha ki chnat waphær waphær.
Kamtæ, neiliang kiwa kitkaam ka seiñ da khut kyrpaad ki ya waroh ki para Contractor ka Ri-loom Jaiñtia wow wan khnang cha kani ka yalang wow yohbor chooh chooh u yaleh yei hok hakhmat ka sorkar.
Kani toh katkam ka khubor na u President ka seiñ, u Welcome Langi.
Discussion about this post