U Deputy Commissioner ka East Jaiñtia Hills District da khut u ya kiwa chong chnong ka District, kiwa em ya ki Society wa da tipmit, ki Company, ki Corporation, ki seiñ wa boon jait kamjooh ki wym pu em Register tangwa kiwa da tipmit da ka sorkar kam ki SHG, Village Organization, ki Producer Group wa kiwi kiwi wow yaleh ki ya ka CM-ELEVATE PROGRAM.
Kani ka Scheme man ko kawa e yarap poisa da ka sorkar yow man kam wow wai laad ya kitu kiwa kwah wow seiñ khih ha ki kaam wa boon jait wei ye ki wow lai ha ka Website ka CM-Elevate kawa man leh kam ka Single Window Application heiwa da chna heitæ i rukom wa kiwa kwah u seiñ kreh ha i rep i riang, ki soh ki pe, i ri mrad, ki kaam uiñke suwari wa kiwi kiwi de ye ki wow yaleh.
Kitu kiwa kwah wow yaleh ya kani toh u man ki kiwa chong chnong ka Meghalaya kiwa em 18-58 snem i rta wei ye ki wow yaleh ya kani ka laad yarap deiwa lai bait ha ka CM-ELEVATE Website wei ka tarik wa khaddooh wow yaleh (Application) toh ha ka 31-10-23.
I rukom jied ya kiwa daw yoh yarap toh deiwa pait yei pliah ki yei kaam wa kwah ki wow seiñ, iwa emkaam kiwa kwah u seiñ khih, lada toh kiwa suk u yoh ram wei toh u man ki kiwa bien u su ya ka ram wa kiwi de kyndon.
Kiwa kwah wow tip bniah ye ki wow Phone ha u Helpline Number-8588052636 wei ye ki leh wow phah da ka email cha [email protected].
Puræ leh: Da sdang ya ka CM-ELEVATE kawa daw yarap 75% ka bai lutsan ya kiwa kwah u seiñ kreh
Discussion about this post