Jowai: Ki pulit man ki ka bynta wa kongsan tam ha ka ri kam heini i por wa krehkaam ka Lockdown wow yakhun pyrchah ya ka khlam u COVID-19 nadooh i wow sonteri, wow yarap ya ki manyung wa emkaam yarap, wow pynpoi ya ki dawai cha kiwa da heh rta, wa kiwi kiwi ki kaam.
Ha kani ka kynti neiliang ki pulit ka Phramer Traffic Cell, West Jaiñtia Hills hapoh i yahkhmat u In-Charge yong ka, u Evantinus Pohchen da lai pynche pynsñiawthooh paidbah ki ya ki laad wa kammon wow yada na uni u khñiang.
Ya ini i lai pynche da leh deiwa pynbna lyngba ka tanghæng weiwa da leh ha ki san ktien wa da klam hapoh jylla kiwa kynthup dei Pnar, Khasi, Garo, Hindi wa English.
Ki pulit ka Phramer TC da lai pynche ki ha Yaw Phramer, ha Pasyih, wa kiwi kiwi ki chnong kamjooh leh ha tymbud u sarokbah.
Discussion about this post