Ka Jaiñtia Students’ Union (JSU) ynne ka sngi da ujor ko ha u Deputy Commissioner ka West Jaiñtia Hills hajrong wa ku ki mar baam ha ki dukan dukdoh khamtam kam ha ini i por.
Ka seiñ da ong ko wa ki dukan wa dai khutia ymye ki wow pynduna yei dor ki mar neibhah wa ki leh da thied ki ya ki mar ha i dor wa syad.
Da kdaw ko leh wa em ki dukan nadooh kiwa dai khutia wa ki Wholesale da dai syad dor ki ya ki mar, deiwa kyntu ya ki bor sorkar wow pynchitom ya kiwa chim kabu.
Ka JSU kamwa da ebuit cha u montri rangbah ka jylla ha ka 6 tarik uni u bnai wow phah ya ki dukan wow pynyoo ya ki dor ki mar dukan wa i em mar ki hakhmat dukan.
Chooh chooh da kyntu ko leh wa ki tre dukan toh u booh ki ya ki Phone Number ki sahep wa pait yeini khnang wa ki paidbah u ye ki wow ujor cha kini ki sahep.
Discussion about this post