January 12, 2020

Da ki 6 Wicket na u Aaron Nongrum da pynjop yaka Meghalaya haka U-19 Cooch Behar Trophy

Advertisement ad1

Shillong: Ka Meghalaya da jop ko yaka Nagaland da 9 Wicket haka sngi wa ar ka U-19 Cooch Behar Trophy wa pynman ynne ka sngi ha Tezpur.

Deiwa pteiñ na 96/3 hawa jubab ya iwa yoh ka Nagaland haka Innings wa nyngkong iwa 171 Run, ka Meghalaya da chah pynhaap lut ki Wicket yong ka hadien wa kamai ko 198 Run, iwa pyntam ya ka da 27 Run.

Ka Nagaland da sdang bha ko deiwa pynhaap smat ya uwa Bat ka Meghalaya u Divyansh Rajput (47 Run) heiwa ynne da ye u kamai u sa du 4 Run na iwa ieh u ynnin ka sngi. Ki 33 Run Not Out na u Aryan Borah chwa wow kut da e ko yaka Meghalaya ya i tam Run wa khian.

U Aaron Nongrum da pynhaap u 6 tylli ki Wicket ka Nagaland deiwa e 24 Run katwa u Borah da yoh u 4/8 (waroh 8/79) heiwa ka Nagaland da ye ko wow kamai du 48 Run.

Ini da booh thong yaka Meghalaya 22 Run yow jop wei da ye ki wow leh ya ini haka 3.1 Over deiwa kamai 25 Run. U Chirag Tyagi da kamai u 23 Runs na ki 10 bol deiwa dat 3 tylli ki 4 Run wa kawi ka 6 Run.