Da ki ar tylli ki Drama pynkut ka Chilliangraij ya ka Bamphalar 2025

Ka Dorbar Chnong Chilliangraij kam kawi na ki dong wa dang bood dang ksoh yei sikai ki warim, ha kani ka tayaaw yong ka 8 tarik hadooh ka 10 tarik da pynman ko ya ka Bamphalar deiwa em i lehke Drama ha ki ar miet wei ha ka sngi pynkut won da em i ya baamdoh sñiawbha ha Yungwalieh iwa da chimbynta da waroh ki khon ka dong ka chnong.

Ha ka sngi sdang yong kani ka Bamphalar chwa wow yoh ki paidbah waboon walang u sakhi ya i parom ka Drama wa pyrtuid Yoo Hi Mo wa da thoh da u Kitbok Ksoo wa u Dari Suchiang, da em ka yalang yahkhmat wa tbian hei pynlai u Cheini Niangti heiwa u Oriland Shylla, General Secretary Chilliangraij da klam khana u chaphang ka yurim yong ka Bamphalar katwa u Lamphrang Shylla, Secretary Art & Culture Chilliangraij hei pynkut da e u ki kyntien khublei.

U D.H. Pde, Waheh Chnong Chilliangraij hei klam kam u kongsan chwa wow wai ya ka Bamphalar da niawtang u wow kynmoo ya ki por nachwa chaphang ki Drama wa bna naam yong ka dong Chilliangraij kiwa kynthup ya ka Wah Myntdu, U Datnar wa ka Hima Jaiñtia.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025

Ha ka sngi wa bood won ka 9 tarik, ka parom Drama wa da yoh ki paidbah u sakhi toh ka Lapakhot wa da thoh da u Manda Oo Shylla heiwa ya kani ka miet leh Drama da wai da u A.Andrew Shullai, MDC.