Kam chibynta wow pdiang wei wow e khublei ya ki khon ka Niamtre ki wow pyndep ya ka Lehniam Behdieñkhlam, ynne ka sngi u MLA ka Jowai, u Wailadmiki Shylla da e kti u da ki bom cha ki Dorbar Chnong ka Jowai ki wow pyndep ya kani ka lehniam.
Ya kini ki bom da e kti ha ka yalang wa tbian ha Loompyrdi Iongpiah, Jowai heiwa da pynlai ya ka da u Petrous Rymbai.
U Wailadmiki Shylla ynne hawa e yei klam da ong u wa i sur (ka bom ka bhuri) toh ki bynta wa kongsan bha ha i chaad Behdieñkhlam wei boonsien ym kwah wow sangeh u kieh ki khamtam heipor wa dang chongchit i chaad.
Chooh chooh da ong u wa ka sorkar nadooh nachwa e yarap bait ko ya ki chnong wei ini waroh lai i lyngba ka Seiñraij, ka wow pynpoi ya ka poisa cha ki chnong.
Heijooh i por da yooluti wa kani ka Behdieñkhlam u man ko kawa phooh khamtam wa jia wa man ko ha i por wa dap snem ka jylla 50 snem wa ka ri 75 snem.
U Wailadmiki da ong u leh wa da toh i por wa ka sorkar u booh bhah ko wow e yarap poisa ya jar jiar ki Raij kiwa pyndep ya ka Behdieñkhlam khnang wow lait noh de nei lai paan yarap man-u-snem.
Ki dong wa da yoh sñiawbha ya ki bom man ki kamni hawah:
- Panaliar
- Dulong
- Loompyrdi Iongpiah
- Loomkyrwiang
- Chilliangraij
- Umchangiar
- Tpep-Pale
- Loomiongkjam
- Iawmusiang
- Seinraij Jowai
- Sein Tyllilang Niamtre
