Ka 10 tarik uni u bnai man ko ka sngi wow sahkynmoo ya ka Dong Umsoo ka chnong Bataw neibhah wa da ye wow pynlait paidbah ya ki riam yalehbol namo ki Jersey yong ka dong neibynta ka samoi 2022-2023 neibynta ka Football Club wa tip pyrtuid kam ka Bataw Umsoo Football Club (BU-FC).
Ya kini ki Jyrsey da pynlait paidbah da ka Ranica Phawa kam ka kongsan hei emlang u Streamly N Suchen, u Waheh Chnong ka Bataw u Chemi Rupsi, u President yong ka Club u Comfort Me Dkhar wa ki waheh wasian ka dong.
Neiliang ki waheh wasian da e ki ya ki kyntien sneiñ kyntu ya ki khynnah khynroo wow man ki kiwa minot kamjooh wow man ki kam ka nongmuna ya kiwi tawon.
Ya ka yalang ha kani ka sngi da pynlai da u Secretary yong ka Club Bataw Umsoo Football Club, u W. Letmihun Tariang katwa ki kyntien khublei da yoh na u Andrew Suchen.
