15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da ki kot lakdop saam ka HYC heiyatoh wa i pyrchah ya ka Citizenship (Amendment) Bill, 2016

0 Comments
Advertisement ad1

Shillong: Ka seiñ Hynniewtrep Youths’ Council (HYC) kam chibynta wow pyntip wei wow pynche paidbah hajrong ka Citizenship (Amendment) Bill, 2016 da pynmih ko ya ki kot lakdop kawa e pyrtuid “Ka Citizenship (Amendment) Bill, 2016, Ka Khlam Bamduh ia ka Jaidbynriew Hynniewtrep” wei da saam ya kini ki kot ynne ka sngi deiwa sdang chwa na Secretariat, ha ka yungkrehkaam DC, MPSC, Chief Engineer PWD, District Concil wa kiwi kiwi ki thaw.

Ka seiñ nadooh wa sdang da yieñ pyrchah ko ya ini i thmu yong ka Sorkar India wow pynman aiñ ya kani ka Bill neibhah ym sñiaw yahaap yei thmu ka sorkar India wow wow pynman tre ri ya ki bru kiwa na Bangladesh, Afghanistan wa Pakistan kiwa man niam Hindu, Jain, Sikh, Buddhist, Parsi wa Christan.

Advertisement ad1

Ka seiñ da sñiawthooh ko yei maa kawa khroo ya i ki jaitbru wa khian paaid yong i lada ya kani ka Bill man aiñ ko. Lada du chipawa na ki 1.4 klur ki Bangladeshi Hindu u wan chong wan sah ki hapoha ka jylla deiwa pdiang ya ki da ka aiñ daw man ki kam kiwa heh paaid wei ki bru yong i daw haap ki u yut chnong.

Ka seiñ da pynsñiaw ko leh yei sñiawngooh ya ka sorkar jylla kawa da rai wow pyrchah ya kani ka aiñ tangwa da sñiaw ko wa ympu biang du katni wei da emkaam leh wa waroh ki dkhot ka Dorbar Chna Aiñ ka jylla hi waroh kawi wow pyrchah ya kani ka aiñ. Ka seiñ da dawa ko leh na waroh ki ar tylli ki District Council ka Khasi wa Jaiñtia Hills wa ki leh toh u chim ki ya kajooh ka rai wei wow thoh leh cha ka sorkar India wow pynsñiaw yeini i pyrchah ki.

Share this:
Previous

Pynthymme ka EJNC – MEU ya kiwa kitkaam yong ka

Next

Rahnaam biang u khynroo Wamehi Suna ya ka ri-loom Jaiñtia