February 6, 2019

Da ki kreh Ad-hoc pynbiej Election ki MDC ka JHADC: JSU & HYC

Advertisement ad1

Jowai: Ki ar tylli ki seiñbhalang kiwa kynthup ya ka Jaiñtia Students’ Union wa ka Hynniewtrep Youth Council hadien wa da yoh jubab lyngba ka RTI na ka yung krehkaam ka Under Secretary ka JHADC da pynyoo wa em hadooh 56 tylli ki post wa da thung da ka Executive Committee hapoh i yahkhmat u MB Rymbai kam u CEM.

Ki ar seiñ da ong ki wa sñiaw phylla ki wow chem wa yeini da leh khlem bood ya ki kyndon ka Council Service Rule 1981 Chapter IV wei ya kini ki posts ym em u booh bhah ha ka mang poisa (Budget) ka Council.

Advertisement ad1

Chooh chooh da ong ki ar seiñ wa kani man ko du i kaam buitpoh wow pynbiej election ki kattu katni ki MDC ka JHADC deiwa pynrap wa neiwon u yoh poisa ka Council wow su tulop ya kitæ ki 56 ngut wa da thung hawa ym em u booh ya ki ha ka mang poisa ka JHADC.

Ki ar seiñ da kyntu ki leh wa ymtoh u chah pynbiej ki neibhah wa ha ki Appointment Letter neibynta ki post Ad-hoc kiwa ye u chah pyndooh ha iwon iwon i por khlem em i daw.

Kani toh katkam ka khubor na Lawyerson War wa man u President ka JSU wa u Mewothi Suchiang uwa man u President ka HYC.