Jowai: Ka Seiñ ki khynroo yong ka Rotary Club Jowai watip kam ki Rotaract ha kani ka sngi Thymbleiñ 7 tarik u Kmaichonglad i janmiet, dei mynsien sniawkhia da yoohkjat ki ha chnong Mookaswan wow e yarap sñiawbha da ki kynmmor cha ki 17 tylli ki manyung.
Ha kani ka janmiet chwa wow e kti ki khon khynroo khyllood ka Rotary Club Jowai ya ki kymmor da em ka yalang yahkhmat wa tbian hei pynlai Ka Rotarian Ester F. Gatphoh MPHF AG Zone-XRID 3240 heiwa da kdar luti leh ya ki bynta wa chakhmat dei puræ ya ki kyntien na ka Bible wei pynbood wan i duwai katwa u Rotarian D. Majaw MPHF ha ka bynta wa kut da e u ki kyntien sñiawngooh.
Ka Rotarian Ester F. Gatphoh hei klam yahkhmat da ong ko kam ka seiñ em ko i mynsien sñiawkhia wow leh chiboon ki kam iwa man i myntoi wakhroo ya ka imlang sahlang ha ki chnong ki thaw waphær kamtæ hajrong katæ ka thong ha kani ka janmiet hei kitkhia ki khon khynroo khyllood da chim wow leh yeini i kaam wakhian.
U Rtn. S.K. Lato, President Elect MPHF hei e kyntien ha kani ka janmiet da yaroh u ya ki khon khynroo khyllood ka Rotary Club Jowai wei kitbok kitrwiang u leh ya ki manbei manpa ka chnong Mookaswan wei da ong u leh yooluti ini i yarap wakhian u man i myntoi wakhroo ya ki manyung kiwa yoh yeini i yarap wasbun na ki khon khynroo khyllood ka Rotary Club Jowai.
Discussion about this post