December 8, 2019

Pynyoo rong ka dong Khonraij yei lai luti wa 100 snem i Yungwalieh

Advertisement ad1

Jowai: Kam wa datip dabna wa ka dong Khonraij toh kawi na ki dong warim ha chnong Jowai kawa yoh yei bhah i bynta wa kyrpang hapoh ka Raij ka chnong nadooh i por ka Beipun Bon waman kawi na ki Soo ngut chipayu ki khon puri blai wow yoohkjat hapoh ka chnong Jowai.

Katwon man iwa sñiawsuk u tip wei yoosuk u sakhi wa hapyrdi i talung i kylla yong ki por ki samoi neibynta i miat i bha yonglang, dei chynna jngai ka pateiñ wa dalai wow pynkhai pynyieñ yei yung walieh yung yonglang yongbi hapoh ka dong Khonraij iwa neitrep i skum katni da kylla chei yung dalan paki heiwa ha uni u snem 2019 da kynjooh i lai luti cha u moomer wa 100 tylli ki snem.

Kam ki pateiñ ka dong ka chnong kiwa embhah u yoh u yoo u sakhi yeini i leh burom yong i lai luti wa 100 snem i yungwalieh, neibynta i burom wakhroo yong u loom u pdeiñ, ha kani ka sngi Thymblein 7 tarik Kmaichonglad ka Dorbar Chnong Chilliangraij wow pynsahkynmoo ya kani ka spah snem yong i lehkmen lehburom dakhut pynman ko i ya baamdoh sñiawbha ha yungwalieh neitæ i uiñ pynyoorong talawiar ki kyntoit hapyrdi i ka-it kasar wei chaad i kmen deilang wei sur wa ood wa thai heiwa da sakhi wa ki khon ka dong ka chnong chynrang, kynthai, khynnah wa waheh dei sñiawsarong da mih paidbah ki wow pynyoo yei man kyrpang kani ka sngi hakhmat ka pyrthai.

Photos by: Soolangki Laloo