Ynne i step da mih ki dak wa thoh “NO ILP NO CABINET” ha chram wa i thaw psiah cha ka yung krehkaam ka Divisional Officer, Soil and Water Conservation, Territorial Division, Mihmyntdu, Jowai.
Kam wow pynkynmoo heini ka yalang ki montri ka sorkar jylla namo ka Cabinet Meeting myntu ka sngi daw man ko ha kani ka yung krehkaam heipor 12:00 i sngi.
Kini ki kyntien wa da thoh heini man ki kam ki dak wow pyrchah ya ka sorkar, ye ki u man kiwa da thoh ynnin i miet namo ynne i step, tangwa da tympleh noh ya ini wa thoh da ki pulit.
Ki bor pulit ka District da pynjoor ki u sonteri ya kani ka thaw khnang wow lait na iwon iwon i jia.
Neiliang ka CoMSO da rai ko wow sdang yakhih myntu ka sngi ha Shillong wow dawa ILP wei wow beiñ ya ka aiñ CAA ka sorkar pyrdi.
Discussion about this post