Kiwa da hap leh yaka chongkset ha yung namo ka Home Quarantine hapoh ka jylla da em ki ha palat 5000 tylli ki manyung hadooh kattæ wei neidaw wym yoh ki wow mih u lai, i pynbiang baam wa kiwi ki mar wa emkaam ki da man i iwa emkaam bha khamtam yaki manyung wa da hap chong kset waroh chi yung.
Neiliang ka sorkar yow yarap ya kini ki manyung da saam mynkna ko ya ki mar wa emkaam kiwa tip leh kam ki Free Provision Kit heiwa hapoh da em u khoo, baam dihcha, salah, phñiang baam, sabon sait that, ki Mask, Hand Sanitizer wa kiwi kiwi de. Ya ini waroh toh iwa da kyrchaan poisa lyngba ka Chief Minister’s Special Grant.
Ya kini ki song baam da pynkhreh daka NaRi ha Mawiong kiwa da lai saam leh daka NaRi hapoh sor kamjooh leh daki 1917i teams.
Yei saam nyngkong kam wow pyrchang da dep leh wei da yooluti wa waroh ki 5000 tam ki manyung wada leh yaka Home Quarantine u yoh ki ya kini ki Free Provision Kit hapoh kani ka tayaw.
Ya kani ka thaw song ya kini ki mar da wan sylli leh da u montri rangbah u Conrad Sangma wa u symbood montri rangbah u Prestone Tynsong heiwa da yarap lang leh ki Volunteer ha ini i kaam.
Discussion about this post