Ka Union Cabinet wa chongknor da u montri rangbahdooh ka ri, u Narendra Modi ynne ka pdiang (Approved) ko wow pynlut hadooh T. 15,000 Klur neibynta ka ‘India COVID-19 Emergency Response and Health System Preparedness Package’.
Kani ka poisa toh kawa daw pynemkaam ha ki 3 bynta (Phases), wei heiyatoh wa i yakhun COVID-19 Emergency Response (T. 7,774 klur) katwa kawa tam won u pynemkaam ha ki 1-4 snem.
Ka thong yong kani ka song poisa (package) toh neibynta ki kaam wa jhan (emergency) heiyatoh wa i yakhun wei i pynsuki ya i poor u COVID-19 ha India wow chna ya ki thaw test, ki thaw sumaar, i thied dawai wa kiwi kiwi ya kiwa daw pait da ka Ministry of Health and Family Welfare.
Ka bynta wa nyngkong u kynthup ki ya kini hawah:
- T. 3,000 klur u e cha ki jylla wa ki UT, wow pynkhlan ya i yakhun poyrchah ya uni u khñiang iwa kynthup ya ki COVID Dedicated Hospitals, Dedicated COVID Health Center wa Dedicated COVID Care Centers wa kiwi kiwi.
- Ki Diagnostics Laboratories u pynku ya ki bor yong ki wow pyndep ya ki test man ka sngi heiwa da phah ya ki 13 lak tylli ki Diagnostic Kits wow test ya ki sample COVID-19.
- Waroh ki wakreh wa yatoh wa i chait i khiah iwa kynthup leh ya ki Community Health Volunteers (ASHAs) u yoh Insurance ki hapoh ka “Pradhan Mantri Garib Kalyan Package: Insurance Scheme for Health Workers lighting COVID-19″. Wow thied ya ki Personal Protection Equipment (PPE), N95 Masks, Ventilators, Testing Kits, ki dawai wa kiwi kiwi.
Chooh chooh ka Ministry da e bor ko leh wow pynemkaam ya kani ka package ha kiwi ki chnat (National Health Mission, Central Procurement, Railways, Dept. of Health Research/ICMR, National Centre for Disease Control) katkam wa yoo emkaam ki.
Discussion about this post