15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da ki Mobile App u pyn krehkaam ha kani ka Election yow suk ki paidbah, daw sylli ya kiwa pynchit ha ki Social Media

0 Comments

Shillong: Ka chnat Election u pynkrehkaam ko da ki Mobile App waphær waphær neibynta wow pynman ya ka Election MP kawa khooid, kawa lai bait yow lait na kiwon kiwon ki huri hura ha waroh 3167 tylli ki thaw thap Vote næ ki Polling Station.

“Ka chnat Election ka da pynlait ko ya ka Queue Management App ka wow pynsuk yei yeiñ lain ya kiwa thap Vote ha ki thaw sor heiwa deiwa pait lyngba ki Smart Phone daw tip ki heiwon i por wa boon bru wa heiwon i por wa duna bru,” da pyntip u Chief Electoral Officer ka jylla, u FR Kharkongor.

Chooh chooh da pyntip u wa kawi won ka Mobile Phone App toh kawa tip kam ka Meghalaya Voters App heiwa kiwa thap Vote u chem ki ya ka thaw thap Vote yong ki, ka EPIC wei wow  tip chaphang ki kyrtong.

U CEO da pyntip u wa da em sa kawi ka App kawa tip kam ka C-Vigil App hawa ki bru ye ki wow chon dur næ rin Video ya iwon iwon wa jia kawa yatoh wa i tyngkheiñ ya ka aiñ Election.

“I wanrah ya kini ki App ha kani ka Election man ko kam chibynta wow wanrah ya ka Election wa khooid wa suba wa kawa lai bait,” da ong u Kharkongor.

U CEO da pyntip u wa ka chnat Election u pynman ko leh ya ki tamasa yaput yatem deiwa pynemkaam ya ki khynroo khyllood wow khrin ya ki paidbah khamtam ya ki khynroo khyllod wow sñiawthooh ki chaphang ka hok yong ki kam kiwa chong chnong.

Ha iwi i liang u CEO da maham joor u ya i pynpoor ya i thoh, ki dur næ ki Video kiwa pynchit ha ki Social Media. Wei daw em leh ka Media Monitoring Committee ka wow pait wow bichaar ya ini ha ki Social Media.

Previous
Next

0 Comments

Leave a Reply