15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da kynmoo warom ya ka lyngkhooh sngi yap u (L) Poipynhun Majaw, President JYF

0 Comments
Advertisement ad1

Jowai: Ka seiñ Jaiñtia Youth Federation (JYF) deilang wa kiwa ha yung ha sem u (L) Poipynhun Majaw President warim ka JYF, ynne ka sngi da kynmoo warom ki ya ka lyngkhooh dap chi snem wa khlaad u deiwa pynchngaiñ lang ki lok ki jor wa ki seiñbhalang waphær waphær.

I kynmoo wurom da sdang da i lai booh syntu ha ka thaw tlep ka Balang Presbyterian Thadlaboh Jowai, katwa ha i por janmiet won da em ka yalang kynmoo warom ha Community Hall ka Lumpariat ka dong wa chong wa sah u Poipynhun wei da pynman leh ya ka thang mombati kawa da chimbynta da kiwa boon.

Haka yalang kiwa klam da kynmoo tympang ki ya ki luti wa ki kaam wa khroo kam uwa yahkhmat u Poipynhun da leh u wei da pynsñiaw ki yei sñiaw diaw hajrong i chah tynyap dusmon u wei neiliang ka seiñ da rai ko wow bood dien ya i daw wa yap u.

Kam wow pynkynmoo u (L) Poipynhun Majaw da chah tynyap u haka miet ka 19 tarik uni u bnai ynnin u snem ha i thaw wa tip kam i Umsyllih wa jngai du kamwa 2 Km naka yung krehkaam u DC Khliehriat, East Jaiñtia Hills ha u sarok By-pass wa lai naka chnong Rymbai cha Khliehriat, wei da suba wa da em ki damok wa dat oo da u kynja nar na khlieh hadooh wa khlaad u.

Share this:
Previous

Nadooh ka rep ka riang, ka puræ puthi, ka dooh kaam waka yoh ka kot sai u THS Boney heipor wa thap pyrtuid MP u

Next

Da ki Mobile App u pyn krehkaam ha kani ka Election yow suk ki paidbah, daw sylli ya kiwa pynchit ha ki Social Media