Jowai: U State Vice President ka BJP u J.A. Lyngdoh da pyntip u wa da ki phaw hajar ngut ki bru daw wan ki wow ap wow sñiaw ya u Nalin Kohli, National Spokesperson ka BJP ha ki ar tylli ki yalang wa pynman ha ri-loom Garo ynnin ka sngi.
Heipor chi waje i sngi da em ka yalang wa pynman ha Phulbari wa pynman da u Binoy Kr. Ghosh heiwa ka BJP da kam ko wa 10,000 ngut ki bru da wan ki wow emlang heiwa u Kohli da klam u chaphang i sahdien ka ri-loom Garo khamtam hei yatoh wa ka luti synkieñ.
Hadein ini da pynman sa ka yalang wa tip kam ka “Annual Convention of BJP Meghalaya Minority Morcha” heipor 4:00 waje nohchariñ ka sngi heiwa da emlang u State President u Shibun Lyngdoh heiwa ka BJP da kam ko da wan hadooh palat 8000 ngut ki bru.
Ha kani ka yalang won u Kohli da klam chaphang i chah ieh dien ki khian paaid ka Garo heiwa ym em kayi kayi leh ka kaam pynroi wei da yoo phylla u wa hadooh katni leh dang em ki yingkieñ dieñ hapoh ri-loom Garo.
Discussion about this post