Da ki phaw hajar ngut wa wan lehkmen Christmas ha ki ar sngi ha Moolamylliang

I lehkmen Christmas wa da pynman ha chnong Moolamylliang ha ka 24 wa 25 tarik, da wan wow sakhi da ki phaw hajar ngut ki paidbah.

Ha ka 24 tarik da wan ki Magnificent Obsession kiwa Jowai kiwa da tem da rwai ki sur Christmas iwa da pynchongchit ya ki paidbah kiwa da wan hiar da ki hajar ngut nadooh ki khynroo khyllood, ki khynnah wa kiwa da heh da san kamjooh.

Ha ka 25 tarik won nadooh 7:00 waje i miet, ka chnong da khynnia ko deiwa wan ki paidbah wa da angnood wow ap yei rwai wei pynchongchit da u DJ Wanshan wa u Eladmitre Dkhar heiwa ki paidbah da ya chaad da risa ki.

Ka Dorbar Chnong da pyntip ko wa da pynbiang ko ya ki Generator lada em i dooh bordiñ wei da yooluti wa i wan ki bru u nang boon ki ha kini ki kajiak sngi wei ya kini ki khrik-khrak u pynneh ki hadooh ka 03-01-25.