Phooh phieñ ka yachemlang ki khon ka Seiñ Raij Raliang

Ka Seiñ Raij Raliang kamwa jooh pynman khlieh u snem ya ka yachemlang kawa chisien chi snem wa tip leh kam ka lehkmen “Seiñ Raij Day”, ha uni u snem leh da yachemlang ki khon Niamtre yong ka chnong Raliang ha ka 23 wa 24 tarik uni u bnai ha Madan Seiñ Raij Chrah-Umphula, Raliang.

Ha kani ka yachemlang ki khon Niamtre da yoh laad ki u parom khana ya ka Niam ka Rukom, ka Dustur Riti, wei ha kini ki sngi waroh ki khynnah puræ kiwa khih wa kreh, ki waheh wasian, ki manbei manpa, kiwa kreh cha chnong para da wan lut ki cha chnong hei wow yoh ki u yachemlang chisien chisnem.

Ha ka 23 tarik da pyndep ya ka Kñia Chrah, katwa ha ka 24 tarik da pynman ya ki Chaad Tynre ki Chaad Niam ha waroh ki Dong nadooh ki khynnah khian, ki khynroo khyllood wa ki manbei.

Chwa wow yoh yei chaad da pynman ya ka yalang wa tbian wa pynlai da u President ka Seiñ Raij Raliang u Binroy Dkhar, da yoh i Ngooh Blai Ngooh Syiem na u Nipaya Lyngdoh, i klam na u General Secretary u Hamjhan H Dkhar, na u Stephan Dkhar u Pator ka Raij Raliang, na u Emkyrdan Biam, na u Polestar Shullai, na u Ropsil Lamare, na ka Morngait Lyngdoh wa na u Emsakhiat Lyngdoh.

Ha kani ka sngi da yoh i chaad na ki khynnah khian na waroh ki Dong ka chnong Raliang, i chaad pynyoo riam yon idæ (Traditional Dress), i Chaad Kpær-Syntu, i chaad pynyoo Miat Kynthai Manbei.

Chooh chooh da wan rwai pynchongchit u Deiwitawan Synnah chirup lang wa ka paralok yong oo ha kani ka sngi.

Ya kini ki chaad waroh da saam da ki buskit (Prize) cha ki kiwa jop kiwa man kamni hawah katkam ki Dong:

Kiwa jop Pynyoo-riam yong idæ:

1st- Ka Daphika Dkhar wa u Ritista Lyngdoh (Dong Lumlang)

2nd- Ka Nangroishaphrang Dkhar wa u Rangkynsai Lyngdoh (Dong Lumsehkot)

3rd- Ka Einam Dkhar (Dongiaw Raliang)

Kiwa jop Chaad Kpær-Syntu:

1st- Ka Anidahun Dkhar wa u Chandaki Dkhar (Dongiaw Raliang)

2nd- Ka Medaroi Biam wa u Kynsai Lamare (Dong Wahchnong)

3rd- Ka Badakmenshisha Dkhar wa u Shaiñmi Iano (Dong Lumsehkot)

Kiwa jop Miat Kynthai Manbei:

1st- Ka Eipho Biam (Dong Wahchnong)

2nd- Ka Nilinda Dkhar wa ka Rilangki Dkhar (Dong Lumlangdong)

3rd- Ka Dariheimonmi Dkhar (Dongiaw Raliang).