Hadien wa da jop i pynyoo rong ya ki that Ryndia ka jylla Meghalaya ha ka G20 International Crafts Bazar ha Delhi, neiliang ka Department of Textiles, ka sorkar jylla deiwa ya krehlang waka NEHHDC (North East Handloom & Handicraft Development Corporation) da sdang ki ya ka “Digitalization of Handloom Products” yow lait nei em kiwa dai ya kini ki that deiwa kam kam kiwa mih napoh Meghalaya.
Neiliang u F. R. Kharkongor, IAS Commissioner & Secretary ka chnat da ban joor u yei emkaam wow leh smat yeini neibhah wa ini wa dep da em ki bru kiwa da pynbood yongton yei chna ya kini ki that Ryndia ki wym toh kiwa chna dei kti wei ymtoh leh da u kse Ryndia wei da dai ki ya kini ki that hei dor wa Rs. 19,500 hadooh Rs. 24,000 deiwa kam toh kiwa chna da ki mar wa mih napoh Meghalaya wei ini i dor wa dai ki yoh iwa sy’at bha.
Kamtæ da ong u wa deiwa pynemkaam yei stat Artificial Intelligence (AI) wa ki QR Code kiwa da soor lang hapoh kini ki that daw ye wow pynsakhiat wa kini toh ki that wa paka kiwa mih napoh Meghalaya.
Da kmen u leh yei wan ka NEHHDC chakhmat yow leh yeini deiwa pynmih ya ki QR Code yow pynsuk leh ya kiwa thied yow lait ki u chah thok manda thied ki ya ki mar.
U RK Singh M.D, NEHHDC hawa e yei klam da kmen u yei bien ka chnat wow pynemkaam yei stat wa katni ha ki that wa da thaiñ dei kti wei da booh leh ya ka thong wow leh yeini ha ki palat 10,000 tylli ki kor thaiñ that.
Da khana u wa manda Scan kiwa thied ya kini ki QR Code, daw tip ki neiwon mih kini ki mar, ki jait kse wa pynemkaam wei daw yoo ki leh ya i Video wa pynyoo heiwon thaiñ ya kini ki that.
Discussion about this post