Ynne ka sngi da khai ka thma siat watur hapyrdi ki Karbi wa ki Pnar ha chnong Lapangap, West Jaiñtia Hills heipor wa thmu ki Pnar wow lai cha hali nadooh na Lakawang hadooh Umchyrngan ka chnong Lapangap iwa man i thaw wa jooh rep ki Pnar.
Ini i kynaad toh iwa da pteiñ wei da sdang nadooh ka 24 tarik u Naisaphra uni u snem heiwa da chah pynthut ki Pnar wow lai cha hali yow pait ya ka um ha kini ki hali ha ki Karbi.
Ynne hadien wa em kattu katni ngut ki Pnar wa lai pait um cha hali da chah siat watur ki ha ki Karbi, da pynbor ya kini wow pyntip cha chnong wei da mih paidbah ka chnong wow khang ya ini.
Manda poi ha ini i thaw ki Pnar wa ki Karbi da sdang ki wow yasiat watur wei da poi hadooh u pood wa ki Karbi da pynemkaam ki da u khnam wa ryntieh tangwa embhah ym em wa mynsoo ha ini i jia.
Da yoh yutip wa ki pulit Assam ym em khang ki ya ki Karbi wow leh yeini katwa ki pulit ka Meghalaya won da pynsangeh ki wow tia ki Pnar khnang wow lait na iwon iwon i jia wa sñiawsih.
Neiliang u Wyrta da yaleh u wow yaklam wa ki bor District ka West Jaiñtia tangwa ym pu yoh jubab na ki heiyatoh wa ini.
Discussion about this post