U Montri Rangbah ka jylla, u Conrad Kongal Sangma da ong u wa lada pynmankaam yei dawa kiwa sikai skur Adhoc daw em i pynlut wa boon, kawa poi cha ki spah klur. Da ong u wa ym toh iwa suk wow rai khamtam hadien ka khlam COVID-19 wei ka jylla da maad ko chiboon i eh neidaw wa stang poisa.
Da ong u wa i hap wow pynlut ya ka poisa wa i duna poisa toh kawi kawa ktah, heiwa da pynrap u wa ym ye wow ong chwa lada chim kawi ka rai katni ym ktah cha kiwi ki bynta, na kini ki daw ya kini leh hap wow pait lut wei ym toh iwa suk ya ka sorkar wow chim rai.
Hawa yatoh wa i kwah kiwa sikai Adhoc kiwa dang em hapyrdi ka yakhih ynne wa kwah ki wow yachem wa u Montri Rangbah.
U Conrad da ong u wa ha ki snem wa da lai da yachem u da boonsien wa kiwa sikai wei da yaklam ya ki jooh ki phang, tangwa da pynsñiaw u wa katni emkaam wow leh iyi iyi wa katni iwa emkaam deiwa pyntip wa da phah ya ka chnat puræ wow thooh ki laad wei da khana u leh wa ka chnat dadep ko wow pynkhreh iyi re iyi, wei hadien wa da yaklam yei lutphut, daw khut yaklam ya kiwa sikai.
