December 7, 2022
Ka yalang pynskem Unit yong ka NPP ha Pdeiniadaw wa pynman da ka NPP Youth Wing 1-Nartiang Block Committee ynnin i miet ka 6 tarik da man ko kawa chongchit heiwa da ki spah ngut kiwa kyrchaan ka Congress da psiah ki cha ka NPP.
Ha kani ka yalang wa pynlai da u Rikio Shylla, da emlang chirup u Waheh Chnong wa ki dkhot ka EC ka chnong.
Neiliang u Waheh Chnong, u Arness Pakma da pdiang sñiawbha u ya kiwa pynlai ka NPP Youth Wing wei da e yaroh u leh yaka NPP Youth Wing yei kreh chitom ki dkhot yong ka iwa da pynkhih da pynkylla ko yaka 1-Nartiang Constituency waroh kawi. Da e khublei u leh ya kiwa kyrchaan warim ka Congress wa da psiah ki cha ka Party NPP wei da ngait skem u wa ha kani ka kynti ka NPP u yoh boon wei u tam ko leh ki Vote ha Pdeiniadaw.
Da yoh leh i klam na u Assistant Secretary ka NPP Wahiajer Unit, u Abha Shylla uwa da e khublei nyngkong ya ki waheh ka chnong yei stat yong ki wow ye u pynlang ya ka chong ka thaw kamni kamwa man ki. Da ong u leh wa dei mynsien wa maya pdiang u ya kini ki lok Congress wa psiah cha ka NPP, “Nadooh myntu ym hoi de u sñiaw samen phi wa da man i kattu chiyung chisem haka NPP, u lai lang i chirrup chirrup ha kawon kawon ka bynta.”
Da pynskem ya kiwa kitkaam da u President ka NPP Youth Wing u Damechwa Dhar kiwa man kamni ha wah:
Kiwa kitkaam ka Pdeiniawdaw NPP Unit
President: U K khynriem
Secretary: U Watlad Shylla
Vice President: U Tony Syntem
Asst. Secretary: Ka Yowanphi Swer
Kiwa kitkaam ka Youth Wing
President: U Ripoi Shylla
General Secretary: Ka Lovely Shylla
Vice President: U Vining Suiam
Asst Secretary: Miss. Ready Pakma
Kiwa kitkam ka Women’s Wing
President: Ka Spare Pakma
Secretary: Ka Tngen Shylla
Vice President: Ka Pyllumlang Talang
Asst. Secretary: Ka Shisha Pakma
Advisors: U Arness Pakma, u OC Talang, u Myname Syntong, u Vim Talang, u Mecare Lamin, u Dabit Biam, u Aboi Ryngkhlem, ka Disita Myrchiang waka Chelda Pakma.
