Da ki spah rai ki paidbah ka chnong Mowkaiaw wow kyrchaan ya u Nujorki Sungoh

Jowai: Ynnin ka sngi ka 20 tarik ki paidbah na ka chnong Mowkaiaw da wan tooid ki cha ka yalang u kyrtong yong ka Party UDP na 4-Mowkaiaw Constituency u Nujorki Sungoh kawa pynman ha Dorbar Hall Mowkaiaw .

Ki Paidbah naka chnong Mowkaiaw wa kynthup ki kynthai wa ki chynrang da wan ki cha kani ka yalang kawa pynlai da u Assistant Waheh Chnong ka Mowkaiaw u H. Shadap hei emlang u MDC warim kamjooh u MLA warim ka Mowkaiaw u Mihsalan Suchiang, u MDC warim u M Sayoo wa u Eleazer C Dkhar President warim ka AJSU wa kiwi kiwi.

Ha i klam u M Sayoo uwa man leh kam uwa e buit ka UDP Jaiñtia Hills da ong u wa sñiawkmen u wow yoo wa boon ki paidbah wa wan wei ym em poi pyrkhat u wow boon kiwa kyrchaan ya u Nujorki Sungoh naka chnong Mowkaiaw kawa da em chwa uwi u kyrtong naka chnong.

Da ong u leh wa ini pynyoo ko yei stat ki paidbah ka chnong Mowkaiaw kiwa kyrchaan ya u Nujorki neibhah man u u bru wa biang.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Dkhar won da ong u wa i kyrchaan ya u Nujorki toh neibynta u pa u, u Mihsalan Suchiang uwa da wanrah ya kiwa boon ki kaam pynroi ha ka liang ka puræ puthi, ki luti ki syngkieñ, ka umbaam umdih wa kiwi kiwi.

Da kyntu u leh ya ki paidbah wymtoh u chah pynbiej ki ha ka spah ka phaw.

U Nujorki Sungoh won da yaroh u ya ki paidbah ka Mowkaiaw kiwa wan e mynsien ya oo wow yakhun ya kani ka Election wei i daw wa jied u wow yakhun Election toh wa em u i thrang wa i angnood wow pynkylla dur ya ki chnong ki thaw waroh wa em ha ka 4-Mowkaiaw lyngba ki Scheme waphær waphær.

Kam uwa mihkhmat da ong u wa ym pait chilliang u ya kiwon kiwon wei da kyrpaad u ya ki paidbah ka Mowkaiaw wow kyrchaan ya oo yow poi cha ka thong i jop.

Ha kani ka yalang ki spah ngut naka chnong Mowkaiaw da rai ki wow e i kyrchaan ya u Nujorki.