Ynne ka sngi kamwa 300 tam ki wakreh kam ki mistri ka 2-Jowai Constituency da yoh yarap ki daki tiar kreh mistri na u MLA, u Wailadmiki Shylla lyngba ka SRWP Scheme 2019-2020.
Ya kini ki tiar da saam paidbah haka yalang wada pynman ha Dorbar Hall ka Mukhla Nongrim wada emlang najrong u Wailadmiki Shylla, u MDC ka JHADC u Otcomewot Lamin waki paidbah wa yoh myntoi.
Chwa u saam yaki tiar, neiliang u Wailadmiki ong u wa kam uwa mihkhmat ka thaaiñ yoo u wa i khih i kreh toh iwa eh bha ha kini ki sngi, kamtæ neibynta kiwa da tip da stat da pyrchang wanrah u daka e sikai yow seiñ khih seiñ khan, ya kiwi tawon em kiwa da yarap u hei rukom waphær waphær najrong wa daw pait u ya kiwi tawon ki wym pu em yoh yarap wa kynthup ya ki warep wa kiwi.
Heiyatoh wa i e ya kini ki tiar kreh mistri, ong u toh wa yoo u boon ki wakreh mistri neidaw wym em yaki tiar kreh te khian ka nong sngi yong ki wei wym ye ki leh u pynpliah yei sap.
Kamtæ yooluti u wa lyngba ini i e yarap wa khian yong oo u pynmyntoi bha ko yaki, neibhah chwa wow e u leh da paitbniah u yaki jait tiar wa rap emkaam ki mistri hapoh ka Constituency yong oo.
Heijooh i por kyntu u yaki paidbah wow pynemkam hok ya iwon iwon wa yoh yarap, wei kitu ki wym pu yoh leh kyntu u wow yaichah ki.
Da pynkut u yei klam deiwa e khublei yaki paidbah wa toh lyngba i kyrchaan yong ki oo leh ye u wow yarap yaki najrong kiwi won ki kaam wa yatoh haka imlang sahlang.
