Khliehriat: U Deputy Commissioner (Supply), East Jaiñtia Hills District da pyntip paidbah u wa ya u khoo Midday Meal neibynta ki Lower Primary School wa Upper Primary School hapoh ka Midday Meal Scheme neibynta u July hadooh December, 2020 da pynlait wei daw li booh khlem wow hap su dor cha ki skur da ki Fair Price Shop Dealers kiwa da jied.
U khoo da pynlait 6.437 Kg uwi u/ka khynnah Lower Primary School wa 9.751 Kg uwi u/ka khynnah Upper Primary School neibynta ki 3 bnai kitæ u July, August wa September, 2020.
Ya uni u jooh u khoo neibynta ki Lower Primary School ya u bnai October wa November, 2020 toh 3.366 Kg uwi u/ka khynnah katwa ya ki Upper Primary School won u e 6.835 Kg uwi u/ka khynnah neibynta ki 3 bnai kitæ nadooh u October, November wa December, 2020 wei yaki Permit daw e lyngba ki Fair Price Shop Dealers.