Da ki Tracksuit saam ka Office u DC cha ki 65 ngut

Jowai : Kam chibynta wow e mynsien ya ki khynnah khynroo khyllood kiwa ka-it u leh sports kamjooh leh wow pynkup burom ya ki 65 ngut ki khynnah ka WJDSA kiwa da wanrah burom ya ka District ha ki lympung waphær waphær ynne ka 28 tarik ka Office u DC da saam ko da ki Tracksuit cha ki.

Ya ini da leh ha ka yalang wa tbian ha ka Conference Hall u Deputy Commissioner ya kawa sa pyllai da ka P. Lyndem, PTI hei emlang ki dkhot ka WJDSA wa u Deputy Commissioner ka District u Arunkumar Kembhavi.

U DC hei klam yong oo da e khublei u ya ki khynnah kiwa da wanrah naam ya ka District ha ki lympung yalehke waphær waphær wei da kyntu u ya ki wow man ki kiwa minot wei yow ye ki u mihkhmat ya ka jylla kamjooh leh ya ka ri.

Ki khynnah da pynsñiaw ki leh yeiwa emkaam ki nadooh ka thaw phet, ka Sports Academy wa kiwi kiwi heiwa u DC leh da kular u wow thooh ya ki laad yow yarap ya ki.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Heijooh i por da pynkup burom kyrpang ya ki le ngut kiwa kynthup ya u wa yoh Best Athletes U – 16 Boy, u Confirm Bang, u Marso Kyndait wa ka Pynhun Shulet.